|
|
Het ontwerp betreft het carnavalswapen (Woape) van de carnavalsvereniging d’n Doal (de kauw) van het dorpje Herkenbosch (Hirkebosj), gemeente Roerdalen. Onderstaande tekst is overgenomen uit de 4 x 11 jubileum krant genaamd de “zeiverlap”  en gaat over de voorstelling van het carnavalswapen.
Dit woape is oetgeprakkezeerd door Geert Schallenberg ter gelaegenheid van 't 4 x 11 joarig besjtoan van D'n Doal en heat de volgende beteikenis:
Van ónger noa boave zeet geer óm te beginne de herk of de reak van Hirkebosj. De herk is gans van sjlaag en lik in ein röshaaijing. Es geer efkes hoger kiek dan zuut geer doa eine leeuw, dea zo te zeen erg muig is, in idder geval lik hea op ziene rök en alsof det nach neit genóg is, hea is zich d'r eine aan 't pitsje. Zónne leeuw toch, lekker luij lik d'r doa te drinke. Veer kieke weer ein sjtókske hoger en dan zeen veer det 't woape auch nach gesierd weer mit brons-, gruin-, en eikehout. Brons heat nieks mit herte te make, en gruin auch nieks jónk. En det eikehout, d'r zeen luuj die det waal ins nuidig höbbe (om zich ins muig op te make). En dan doa helemoal boave, joa geer zuut 't goud. Doa zit oze Doal Sjaak, dea toen al 4 x 11 joar fees head geviert. Hea head ein prinsemuts op en hea zjwejt mit de scepter euver Klein Kölle. Ongertösje is de vereniging al 5 x 11 + 8 joar aad en Doal Sjaak viert noch sjteeds fees. ‘T woape zo-es de vereniging 't noe gebroek is maar ein klein bietje verangerd. ‘T 4 x 11 boave de leeuw is noe verdwene, en 't 1981 wat ónger biej de plaatsnaam Herkenbosch sjteit is verangerd in 1937, 't joar van de oprichting.
(De beteikenis van dit woape is deils euvergenoame oet de 4 x 11 jubileum-zeiverlap).
Terug
|
